ఆంజనేయులు న్యూస్, మంచిర్యాల జిల్లా: సోదరుడు తన సోదరీమణిని రక్షిస్తానని హామీ ఇచ్చే పవిత్ర బంధానికి ప్రతీకగా జరుపుకునే రాఖీ పండుగను, ఈ సంవత్సరం ఎథిక్ అకాడమీ విద్యార్థులు సమాజ రక్షకులైన పోలీసు అధికారులకు అంకితం చేశారు. “మమ్మల్ని కాపాడుతున్న వారిని గుర్తు చేసుకునే రోజుగా ఉండాలి రాఖీ” అనే ఉద్దేశంతో, విద్యార్థులు స్థానిక పోలీస్ అధికారులకు రాఖీలు కట్టి తమ అభిమానాన్ని, గౌరవాన్ని వ్యక్తం చేశారు. పాఠశాల ప్రాంగణంలో నిర్వహించిన ఈ కార్యక్రమం అందర్నీ హృదయాంతరాల నుండి తాకింది. ఈ సందర్భంగా పాఠశాల డైరెక్టర్ చరణ్ రెడ్డి మాట్లాడుతూ.. “రాఖీ అనేది కేవలం కుటుంబం వరకే పరిమితం కాకుండా, సమాజాన్ని రక్షించే ప్రతి ఒక్కరికీ ఈ పండుగలో ప్రాధాన్యత ఉండాలి. మన పిల్లలు తమ చేతులతో తయారుచేసిన రాఖీలతో పోలీస్ అధికారులకు కట్టి ఇచ్చిన గౌరవం, ప్రేమ చాలా అర్థవంతమైనదిగా మారింది,” అని తెలిపారు. విద్యార్థులు కలిసి తయారు చేసిన ఒక పెద్ద విశాల రాఖీని మంచిర్యాల పోలీస్ స్టేషన్కు బహుమతిగా అందజేశారు. రాబోయే ఆదివారం రాఖీ పండుగను పురస్కరించుకుని, ఈ కార్యక్రమం పోలీస్ అధికారుల మనసులను గెలుచుకుంది.
• సబ్ ఇన్స్పెక్టర్ మజారుద్దిన్ మాట్లాడుతూ:
“మేము మా విధుల్లో నిత్యం నిమగ్నంగా ఉంటాం. కానీ ఇలాంటి చిన్నారుల చేత అటు ప్రేమతో, ఇటు గౌరవంతో వచ్చిన ఈ రాఖీ వేడుక మాకు చాలా గొప్ప అనుభూతిని ఇచ్చింది. ఈ తరహా సంఘటనలు మాకు మరింత ఉత్తేజాన్నిస్తాయి. సమాజం నుండి వచ్చిన కృతజ్ఞత మేము చేస్తున్న సేవను మరింత మన్నించబడి ఉందనే భావన కలిగిస్తుంది,” అని అన్నారు. ఈ కార్యక్రమంలో హెడ్ కానిస్టేబుల్ దివాకర్, పాఠశాల టీచర్లు, విద్యార్థులు, అలాగే జన్మభూమి నగర్ వాసులు పెద్ద సంఖ్యలో పాల్గొన్నారు..
