ఆదిలాబాద్ జిల్లా గుడిహత్నూరు మండలంలో ఘటన
సోషల్ మీడియాలో పరిచయమైన బాలిక
ఇద్దరి మధ్య చాటింగ్ను ఆమె తల్లిదండ్రులకు చూపిస్తానని బెదిరించిన బాలుడు
నగ్న వీడియోను స్నేహితులకు షేర్ చేసిన నిందితుడు
ఇద్దరు బాలురు సహా 8 మంది అరెస్ట్
ఆంజనేయులు న్యూస్, ఆదిలాబాద్ జిల్లా: గుడిహత్నూరు మండలంలో ఓ బాలుడు (16) దారుణానికి తెగబడ్డాడు. సోషల్ మీడియాలో పరిచయమైన బాలిక (16)ను బెదిరించి నగ్న వీడియోలు చిత్రీకరించాడు. ఆపై వాటిని తన స్నేహితులకు షేర్ చేశాడు. విషయం వెలుగులోకి రావడంతో పోలీసులు ఇద్దరు మైనర్లు సహా మొత్తం 8 మందిపై పోక్సో చట్టం కింద కేసు నమోదు చేసి దర్యాప్తు ప్రారంభించారు..
పోలీసుల కథనంప్రకారం: మండలంలోని ఓ గ్రామానికి చెందిన బాలుడికి సోషల్ మీడియా ద్వారా బాధిత బాలిక పరిచయమైంది. ఇద్దరి మధ్య జరిగిన చాటింగ్ను ఉపయోగించుకున్న బాలుడు.. దానిని ఆమె తల్లిదండ్రులకు చూపించకుండా ఉండాలంటే నగ్నంగా వీడియో కాల్ చేయాలని బెదిరించాడు. దీంతో భయపడిన బాలిక అలాగే చేసింది. ఆ వీడియోను రికార్డు చేసిన బాలుడు దానిని తన స్నేహితులకు షేర్ చేశాడు. ఈ ఘటన వెలుగులోకి రావడంతో పోలీసులు స్పందించారు. బాలికను మానసికంగా, శారీరకంగా వేధించిన ఇద్దరు మైనర్లతో పాటు మొత్తం 8 మందిని అదుపులోకి తీసుకుని న్యాయమూర్తి ఎదుట ప్రవేశపెట్టారు..
నిందితుల వివరాలు:
ఇద్దరు మైనర్లు, వంశీకృష్ణ(20), పవర్ తరుణ్(18), గుండల్వార్ వరుణ్(18), కారడ్ సుధీర్(28), ముర్కుటే విఠల్(23), సాబ్లె బాలవంత్ సింగ్(18) ఇద్దరు బాలురను నిజామాబాద్లోని జువైనల్ హోంకు, ఈ ఎనిమిది మంది పై పోక్సో కేసు నమోదు చేసి రిమాండ్ కు తరలించామని పోలీసులు తెలిపారు..
