హైదరాబాద్: కామారెడ్డి జిల్లాలో నిన్న జరిగిన రోడ్డు ప్రమాదంపై ప్రధాని మోదీ తీవ్ర దిగ్భ్రాంతి వ్యక్తం చేశారు. బాధిత కుటుంబసభ్యులకు సంతాపం తెలిపిన ఆయన.. మృతుల కుటుంబాలకు రూ. 2 లక్షలు, క్షతగాత్రులకు రూ.50వేల పరిహారం ప్రకటించారు. ఎల్లారెడ్డి పీఎస్ పరిధిలోని హసన్పల్లి గేటు వద్ద నిన్న సాయంత్రం టాటా ఏస్ వాహనం ఎదురుగా వస్తున్న లారీని ఢీకొట్టింది. వాహనంలో 25 మంది ప్రయాణిస్తుండగా, వారిలో తొమ్మిది మంది మృతిచెందిన విషయం తెలిసిందే.
