రంగారెడ్డి అక్టోబర్ 12, ( ఆంజనేయులు న్యూస్ )
రంగారెడ్డి జిల్లా అబ్దుల్లాపూర్‌మెట్ మండలంలో రూ.20 లక్షల లంచం తీసుకుంటుండగా తహసీల్దార్ బి. సుదర్శన్ రెడ్డి, మండల సర్వేయర్ బతుక శ్రీనివాసులు అవినీతి నిరోధక శాఖ (ఏసీబీ) అధికారులకు పట్టుబడ్డారు. భూమికి సంబంధించిన అధికారిక పనిని పూర్తి చేసేందుకు ఫిర్యాదుదారుడి నుంచి ఇద్దరు అధికారులు కలిసి రూ.20 లక్షలు లంచం డిమాండ్ చేసినట్లు ఆరోపణలు ఉన్నాయి. ఈ మేరకు సమాచారం అందుకున్న ఏసీబీ సిటీ రేంజ్–సీఐయూ అధికారులు దాడి చేసి, లంచం సొమ్ము తీసుకుంటున్న సమయంలో ఇద్దరినీ రెడ్‌హ్యాండెడ్‌గా పట్టుకున్నట్లు సమాచారం. అధికారుల నుంచి లంచం సొమ్మును స్వాధీనం చేసుకుని, కేసు నమోదు చేసి తదుపరి దర్యాప్తు చేపట్టినట్లు తెలిసింది.
